Mbyllet Komisioni për Hetimin e ngritur për privatizimin e OSSH-së dhe marrëveshjen për shitjen e aksioneve, pas 13-muajsh.
Anëtarët përfaqësues të maxhornacës votuan raportin e propozuar një javë me parë, ndërsa opozita nuk ishte e pranishme në mbledhje. Në përfundim të hetimeve, Taulant Balla rekomandoi ndjekje penale për Shkëlzen Berishën, për akuzën e “mosdhënies së dëshmisë”. Sipas raportit të prezantuar nga kryetari Balla, përgjegjësia për dëmin ndaj shtetit të 450 mln eurove bie ndaj ish-kryeministrit Sali Berisha dhe ministrave Ruli e Bozdo.
Sipas Taulant Ballës, djali i ish-kryeministrit rrezikon deri në 3 vite burg. Kërkesë për kallëzim penal është bërë edhe ndaj Ndue Kalaj, i cili nuk është paraqitur në Komision.
Gjatë gjithë mbledhjeve të Komisionit Hetimor, Shkëlzen Berisha u paraqit tri herë para komisionit, por refuzoi të betohej se do të thoshte të vërtetën.
